Tona ya Dinamelwa Sindisiwe Chikunga o rometše mahloko a gagwe a go tšwa pelong go Kgoro ya Thuto ka Free State, gammogo le ba Riebeeckstad Hoërskool, batswadi, malapa, bagwera le ba leloko la kgauswi le bana ba sekolo bao ba hlokofetšego ge pese yeo ba bego ba sepela ka yona, e thula .
Baithuti ba tshela ba hlokofetše lefelong la tiragalo gomme ba 28 ba hweditše dikgobalo tše nnyane tšeo tše dingwe tše tshela tša tšona di ilego tša išwa dipetlele tša go fapafapana ka Welkom le Senekal ka dikgobalo tša magareng. Go thwe mootledi wa pese o lahlegetšwe ke taolo ya sefatanaga morago ga gore ye nngwe ya dithaere e fologe. Pese e be e sepetša bana ba sekolo go tšwa Riebeeckstad Hoërskool go tšwa tiragalong ya sekolo sa ka ntle kua Moolmanshoek kgauswi le Rosendal go ya Welkom ge kotsi e direga. Sebaki se se nepagetšego sa go thula ga se sa tsebje mo nakong ye. Tona Chikunga o re banyakišiši ba dikotsi go tšwa go Road Traffic Management Corporation ba rometšwe lefelong la tiragalo go hloma mabaka ka moka ao a ka bego a lebišitše masetlapelong a. “Ke letšatši le le nyamišago ka nnete go lahlegelwa ke bana ba bantši gakaakaa mathomong a ngwaga wa sekolo. Ke rata go kgonthišetša batswadi, kgoro ya thuto ya Free State, hlogo ya sekolo le barutiši gore dinyakišišo di tla ba ka mafolofolo gomme di phethilwe ka lebelo go dumelela.” ka moka ba amegile go hwetša tswalelo.Dithapelo tša rena di le malapa le ba leloko la mohu.”